Politika -
Zigorra bete ostean
Auzitegi Nazionalak Aitor Elizaran atxilotzeko agindua eman du
Elizaran ostiralean kanporatu zuen Frantziak, baina Barajaseko aireportura eraman zutenean aske utzi zuten, haren kontrako atxilotzeko agindurik ez zegoelako.
AGENTZIAK | ERREDAKZIOA
Auzitegi Nazionalak Aitor Elizaran preso ohia bilatzeko eta atxilotzeko agindua eman duen, joan den ostiralean Frantziak kanporatu egin zuela eta libre geratu zela jakin eta gero.
Frantziako Justiziak ezarritako espetxe-zigorra beteta, kanporatu egingo zutela jakinarazi zioten Espainiako Gobernuari, baina Elizaran Madrileko Barajas aireportura eraman zutenean haren kontrako atxilotze-agindurik ez zegoenez, aske utzi behar izan zuten.
Europa Press agentziaren arabera, Espainiako Poliziak eta Guardia Zibilak txosten kontrajarriak egin zituzten, ustez Elizaranek ETArekin zuen loturaren harira, eta, ondorioz, Fiskaltzak ez zuen haren aurkako kautelazko neurririk eskatu.
Gauza horrela, Auzitegi Nazionalak orain agindu du Elizaran atxilotzea.