Politika -
Legegintzaldi berria
Aitor Esteban Espainiako erregearekin bildu da, Zarzuela Jauregian
Espainiako Gobernuko presidentea aukeratzeko inbestidura saioan izango duen jarrera azaldu dio EAJko diputatuak Felipe VI.ari.
AGENTZIAK | ERREDAKZIOA
Espainiako erregeak Aitor Esteban EAJko diputatua hartu du arratsalde honetan Zarzuela Jauregian, Espainiako Gobernuko presidentea aukeratzeko inbestidura saioaren harira egiten ari den bilera-sortaren baitan.
Elkarri agurtu ostean eta komunikabideen aurrean une batez egon ondoren, Felipe VI.ena eta Esteban erregearen bulegora joan dira, batzarra egiteko.
Espainiako erregeak hartzen duen bosgarren ordezkari politikoa da Esteban. Aurreko laurek agerraldiak egin dituzte, bilera amaituta, baina EAJko diputatuak jakinarazi du ez duela prentsaurrekorik emango.
Horrelako bileretan “diskrezioaren” aldeko direla azaldu dute jeltzaleen iturriek. 2011n, baina, Josu Erkorekak, agerraldia egin zuen Juan Carlos I.ena erregearekin batzartu eta gero.
