Politika -
Katalunia
Gaurko lanuztean probokazioei ihes egiteko eskatu du Puigdemontek
Probokazioei ihes egiteko eskatu du Generalitateko presidenteak gaurkoa "protesta demokratikoa, herritarra eta duina" baita.
Agentziak | Erredakzioa
Astearte honetarako Katalunian deituta dagoen lanuzte jardunaldia dela eta, probokazioei ihes egiteko eskatu du Carles Puigdemont Generalitateko presidenteak, "protesta demokratikoa, herritarra eta duina" baita.
"Munduak ikusi du: jende baketsua gara", esan du Puigdemontek Twitterren.
Demokraziaren Aldeko Mahaiak lanuzte orokorra deitu du astearte honetarako Katalunian, urriaren 1eko erreferenduma galarazteko Guardia Zibilak eta Espainiako Polizia Nazionalak herritarren kontra erabili zuten indarkeria salatzeko.
