Politika -
Auzitegi Nazionala
Aurore Martin atxilotu dute Donibane Garazin, euroagindua jaso ondore
Kazeta.info-k argitaratu duenez, Donibane Garaziko komisaldegian deklaratzera deitu zuten. Gaur, goizeko 8:00etan, tokira heldu denean, atxilotu egin dute.
Erredakzioa
Frantziako Poliziak Aurore Martín Batasunako mahaikide ohia atxilotu du gaur goizean Donibane Garazin, Auzitegi Nazionalaren bigarren euroagindua jaso ondoren.
Kazeta.info-k argitaratu duenez, Donibane Garaziko komisaldegian deklaratzera deitu zuten. Gaur, goizeko 8:00etan, tokira heldu denean, atxilotu egin dute.
Hortik, Pauko Auzitegira eraman dute, iturri berdinaren arabera. Epaileak Martín aske utzi edo ez erabaki beharko du orain.
Iragan ekainean lehen euroagindua atzera bota zuen epaileak, informazio gutxi jaso zuela esanez.