Jaurlaritzak ez du "mugimendurik" egingo Konferentziaren ostean

Idoia Mendia Eusko Jaurlaritzako bozeramaileak adierazi du Gasteizko Gobernuak ez duela aurrez ikusten 'mugimenduak egitea' atzoko Bake Konferentziaren ostean, lehendakariak proposatutako 'ibilbide orria' jarraituko baitute.

Gobernu bileraren ostean egindako prentsaurrekoan, Mendiak esan du adierazpenaren lehen puntua (ETAri indarkeriaren amaiera iragartzea exijitzen diona) "positiboa" dela, eta berretsi du erakunde terroristak indarkeria uzten badu, "beste esparru batzuetan" aurrera egin ahal izango dela.

Nazioarteko egiaztatzaileei dagokienez, bozeramaileak esan du Jaurlaritzak ez diela deitu, eta "benetako egiaztatzea" Segurtasun Indarrek egingo dutela.