Politika -
Asteartean atxilotu zituzten
Espetxera bidali dituzte Mujika eta Oxandabaratz ETAko ustezko kideak
Frantziako Justiziak behin-behineko espetxealdia ezarri die. Bitartean, helburu terroristak bultzatuta gaizkileekin elkartzeko delitu batekin lotutako ikerketa bat jarri dute abian.
Erredakzioa
Donibane Garazin astearte honetan atxilotutako Julen Mujika eta Intza Oxandabaratz ETAko ustezko kideei behin-behineko espetxealdia ezarri die Frantziako epaile batek. Bitartean helburu terroristak bultzatuta gaizkileekin elkartzeko delitu batekin lotutako ikerketa bat jarri dute abian.
Bikotea Baionan zegoen Terrorismoaren Aurkako Zuzendariordetzak asteartea arratsaldean atxilotu zuenetik.
Le Verte epaileak agindu zuen operazioa; izan ere, 2009ko abuztuaren 21ean Herault departamenduan kokatutako ETAren lau ezkutaleku ikertzen ari da. Bertan, 330 kilo lehergai topatu zituzten.
