Publizitatea
X

Irratia zuzenean

LaLiga: Alavesek garaipena lortu du Ibairen hiru goli esker (2-3)

  • facebook
  • twitter

Alaves

LALIGA, 14. JARDUNALDIA

Alavesek partida irauli eta garaipena lortu du Ibairen hiru goli esker (2-3)

ERREDAKZIOA

2017/12/04

Gasteiztarrak 2-0 zeuden galtzen 62. minutuan, baina ez dute amore eman eta Ibai Gomezek egindako hiru golen bidez berebiziko garrantzia duten hiru puntu lortu dituzte.

  • Martin Aguirregabiria gazteak debuta egin du lehen mailan. Argazkia: EFE

    Martin Aguirregabiria gazteak debuta egin du lehen mailan. Argazkia: EFE

    Martin Aguirregabiria gazteak debuta egin du lehen mailan. Argazkia: EFE
  • Partekatu
  • Bidali

Iruzkinak

Ibai Gomezek sartutako hiru golen bidez Alavesek ezinezkoa zirudien norgehiagoka bat bereganatu du Montilivin, Gironaren etxean (2-3), ligako hamalaugarren jardunaldia itxi duen partidan. Izan ere, gasteiztarrak bi gol azpitik zeuden 62. minutuan, baina Abelardo Fernandezen aginduetara dauden mutilak partida iraultzeko gai izan dira azken minutuan.

Pablo Machinek zuzentzen duen talde katalanak bigarren zatira arte itxaron behar izan du markagailuan aurretik jartzeko. Stuanik Alexis gainditu du buruz burukoan, eta Pachecoren ahalegina saihestu du, 59. minutuan. Hori gutxi ez, eta handik hiru minutura etxekoek bigarrena erdietsi dute korner batean, Juanperen burukada dela medio.

Ordura arteko Alavesen jokoa ikusita, etxekoek garaipena eskuan zutela pentsatu dute, baina egindako aldaketek mesede egin diete babazorroei. Hartara, Pedrazak ezker hegaletik egindako jokaldi batean, Ibai Gomezi eman dio baloia, eta honek gola sartu du bigarren ahaleginean; lehendabizikoa atezainak gelditu baitio, baina ezin izan du aldaratzea ekidin.

Alavesek berdinketa lor zezakeela sinetsi du, eta 87. minutuan iritsi da. Epaileak ez du zalantzarik izan Bounou Gironako atezainak Pedrazari area barruan egin dion falta argiaren aurrean penaltia adierazteko. Ibaik hartu du penaltia jaurtitzeko ardura, eta ez du barkatu bere ahaleginean.

Norgehiagoka amaituta zegoela zirudienean eta ikusle guztiek puntu banaketa egon behar zela uste zutenean, Ibai agertu da beste behin ere. Bilbotarrak ezin hobeto baliatu du Munirrek egindako jokaldi aparta, eta area barrutik egindako jaurtiketak atezaina gainditu du hirugarren aldiz.

Horrenbestez, Alavesek bederatzi puntu ditu sailkapenean, eta salbaziotik hiru puntura jarri da. Girona, bere aldetik, 17 punturekin geratu da, sailkapenaren erdialdean.

Fitxa teknikoa:

Girona 2: Bono; Pablo Maffeo, Juanpe, Bernardo Espinosa (Jonás Ramalho, 42. min), Marc Muniesa, Johan Mojica; Pere Pons, Àlex Granell, Borja García (Douglas Luiz, 80. min), Portu (Aday Benítez, 89. min); eta Cristhian Stuani.

Alaves 3: Fernando Pacheco; Martín Aguirregabiria, Alexis Ruano, Guillermo Maripán, Rubén Duarte; Ibai Gómez, Tomás Pina (Dani Torres, 80. min), Álvaro Medrán, Mubarak Wakaso (Alfonso Pedraza, 70. min); Bojan Krkic (Burgui,  62. min) eta Munir El Haddadi.

Golak: 1-0, 59. min: Cristhian Stuani. 2-0, 62. min: Juanpe. 2-1, 71. min: Ibai Gómez. 2-2, 87. min: Ibai Gómez (penaltiz). 2-3, 93. min: Ibai Gómez.

Epailea: Javier Alberola Rojas. Txartel horiak: Bono (Girona) eta Martín Aguirregabiria eta Rubén Duarte (Alaves).

Iruzkinak

Publizitatea

Hurrengo zuzenekoak

  • Gaur
  • al.
  • ar.
  • az.
  • og.
  • or.
  • lr.
#-en_emision-# 10:25 - 14:30 ATLETISMOA | Gasteizeko Erdi Maratoia
13:25 - 14:30 ATLETISMOA | Venta de Bañoseko Nazioarteko Krosa
17:00 - 20:00 BINAKAKOA | Olaizola II-Imaz vs Victor - Albisu
23:15 - 00:05 GOL FESTA | Ligako golak
Publizitatea
Emakumeen Kirola Partidak zuzenean, bideoak, kronikak... Emakumeen Kirola

EiTB Kirolak

Hurrengo zuzenekoak

  • Gaur
  • al.
  • ar.
  • az.
  • og.
  • or.
  • lr.
#-en_emision-# 10:25 - 14:30 ATLETISMOA | Gasteizeko Erdi Maratoia
13:25 - 14:30 ATLETISMOA | Venta de Bañoseko Nazioarteko Krosa
17:00 - 20:00 BINAKAKOA | Olaizola II-Imaz vs Victor - Albisu
23:15 - 00:05 GOL FESTA | Ligako golak
Euskal Selekzioak Euskal selekzioak irabazi egin dio Korsikari,… Euskal Selekzioak
Publizitatea
Publizitatea

Bisitatuena

    Kargatzen ikusiena
        Kargatzen ikusiena