Athletic Club
Larunbatean Celtaren aurka
Athleticek susperraldia du helburu
Erredakzioa
Aritz Aduriz osatu da eta San Mameseko partida jokatzeko prest dago. Ezustekorik ezean, Muniainek eta Iraizozek ere partida jokatu ahal izango dute.
Athleticek Celta hartuko du larunbat honetan San Mamesen (21:00) 8. jardunaldiko norgehiagokan. Zazpi jardunaldietan lau puntu baino ez ditu lortu talde zuri-gorriak eta, horregatik, puntu premia larrian dago. Athletic jaitsiera postuetan da eta Galiziako taldea, ordea, Europan kokatuta dago.
Puntuak lortzea oso garrantzitsua da, eta garaipenak, gainera, konfiantza emango lioke Athletici hurrengo astearteko partidarako. Ernesto Valverderen taldeak Portoren aurka jokatuko du Txapeldunen Ligako multzoen faseko hirugarren jardunaldian.
Aritz Adurizek ezin izan zuen Real Madrilen aurkako neurketan parte hartu, baina osatu da eta larunbatean jokatzeko prest dago. Ezustekorik ezean, Iker Muniainek eta Gorka Iraizozek ere partida jokatu ahal izango dute.
Ustezko hamaikakoak:
Athletic: Iraizoz; De Marcos, Gurpegui, Laporte, Balenziaga; Iturraspe, Rico, Beñat; Susaeta, Aduriz eta Ibai.
Celta: Sergio Alvarez; Hugo Mallo, Sergi Gomez, Cabral, Planas; Radoja, Krohn-Dehli, Alex Lopez; Nolito, Orellana eta Larrivey.
Epailea: Fernandez Borbalan
Futbol-zelaia: San Mames.
Ordua: 18.00 horas.
