Bilbao Basket
Krisia
Bilbao Basketek babeslea izango du, ACBra bueltatzea lortuz gero
Erredakzioa
Gainera, Soldata Bermatzeko Funtsean beharrezko 250.000 euroak berriz jartzeko moduan daudela ziurtatu dute klubetik.
-
Xabier Jon Davalillo, Bilbao Basketeko presidentea. Efe.
Bere egoerak hobera egin duela azaldu diote astezken honetan Bilbao Basketen arduradunek Miguel Cardenal Kirol Kontseilu Goreneko presidenteari.
Xabier Jon Davalillo taldeko presidentea eta Alex Mumbru kapitaina izan dira, besteak beste, bilera horretan. Cardenali adierazi diotenez, Soldata Bermatzeko Funtsean beharrezko 250.000 euroak ere berriz jartzeko moduan daude.
Horrez gain, taldeak babesle berria du, eta horrek bideragarritasuna ematen dio klubari. WISekey segurtasun digitaleko enpresa da Bilbao Basketen babesle berria.
Halaber, Mumbru kapitainak adierazi duenez, jokalariek salatutako zorrak ez du soldatetarako aurrekontuaren % 15 gainditzen.
Hori guztia kontuan hartuta, ACBk eskatutako baldintza guztiak beteko lituzte talde bizkaitarrak, baina aurreikusitako epeetatik kanpo.
