Bilbao Basket
74-84
Bilbao Basketek galdu egin du Obradoiroren aurka
Erredakzioa
RETAbet taldeak 74-84 galdu du Bilbao Arenan. Abantaila handiak lortu ditu partidaren lehen txanpan, baina behera etorri da neurketaren bigarren zatian.
RETAbet Bilbao Basketek porrota jaso du Monbus Obradoiroren aurka (74-84) Bilbao Arenan eta ezin izan dio amaiera ona eman Endesa Ligako lehen itzuliari. Bilbo taldeak, 6 garaipen eta 11 porroteko balantzea du.
Hasiera bikaina eman dio Bilbao Basketek neurketari. Beltzezko gizonak nagusi izan dira lehen laurdenean eta abantaila ikusgarria hartu dute lehen txanpan (20-7). Lehen hamar minutuak 11 puntuko abantailarekin amaitu ditu RETAbet taldeak (21-10). Bigarren laurdenaren hasieran, talde bisitaria izan da nagusi. Hala ere, Bilbao Basketek 12 punturainoko abantaila izan du, baina Monbus Obradoirok aldeak murriztea lortu du atsedenaldira iritsi orduko (41-34).
Atsedenaldiaren ostean, talde bisitariak bigarren laurdeneko sentsazio onak baliatu ditu, eta neurketa parekatzea lortu du (45-45). Aurreko 20 minutuetan lortutako abantailak alferrik galdu ditu talde bizkaitarrak eta Obradoirok zazpi puntuko errenta lortu du (49-56) azken laurdenari ekiteko. Amaierako hamar minutuetan saiatu da Bilbao Basket aldeak murrizten, baina Obradoiro sendo mantendu da, joko ona azaldu du, eta garaipenak ez dio ihes egin talde bisitariari (74-84).
Fitxa teknikoa:
74 - RETAbet Bilbao Basket (21+20+8+25): Tabu (14), Todorovic (21), Hammick (2), Hervelle (4) eta Devin Thomas (5) -hasierako bostekoa-, Fischer (3), Redivo (7), Pere Tomás (6), Mumbru (10) eta Vucetic (2).
84 - Monbus Obradoiro (10+24+22+28): Sabat, Matt Thomas (17), Laksa (2), Radovic (9) eta Pustovyi (19) -hasierako bostekoa- Pozas (3), Navarro, Corbacho (6), Bendzius (12), Llovet (8), Spires (8) eta Simons.
Partzialak: 21-10, 41-34 (atsedenaldia); 49-56 eta 74-84 (amaiera).
Epaileak: Daniel Hierrezuelo, Rafael Serrano eta Victor Mas.
