cerrar buscador

16:24

eguraldia

Alerta gorria bertan behera

200 km/h baino gehiagoko haizeteak utzi ditu 'Xynthiak' Euskadin

Erredakzioa

Haize-bolada gogorrenak mendi inguruetan eman dira. Hala ere, ageriko zonaldeetan ere 135 km/h-ko abiadura tarteka gainditu da. Goizaldeko 00:00ak aldera, haizea ahulduz joan da.

75
  • Whatsapp
  • Whatsapp
  • telegram
  • Bidali

Haizea zakarra izan da igaro den gauean euskal lurraldeetan. Hala ere, goizalde partera haizea ahulduz joan da. Hori dela eta, Eusko Jaurlaritzako Herrizaingo Sailak larunbat arratsaldeko 18:00etatik aktibatutako alerta bertan behera utzi dute.

Ordu konplikatuak izan dira bartekoak. Haize-ufada indartsuenak mendi inguruetan eman dira. Euskal Meteorología Agentzia Euskalmeten arabera, Orduñan (Bizkaia) neurtu dituzte ufada gogorrenak. Larunbat arratsaldeko 20:00etan, 220 km/h baino gehiagoko abiadura hartu du bertan haizeteak.

Ageriko zonaldeetan ere haize zakarra nabaritu da: Bilbon 123 km/h-ko abiadura neurtu dute, 135 km/h Gasteizen eta 140 km/h-rainoko ufadak Ordizian (Gipuzkoa).

Igandeko 00:00etatik haizea nabarmen baretu zen. Ordu horretan bertan Orduñako radarrak 110 km/h neurtu zuen eta 77 km/h duela ordu gutxi. Euskalmeten iragarpenen arabera, Iparralderako bidea hartu du ziklogenesiak.

Eguraldiblogeko erabiltzaileak haizeteen lekuko izan dira eta haien argazkiak konpartitu dituzte. Gainera, unean-uneko eguraldia kontsultatu dezakezu gure webkameren bidez.

Iruzkinak