08:48

Herriak eta Hiriak

Balantzea

Bilboko Konpartsek zortzira igo dute aurtengo Aste Nagusiko eraso sexisten kopurua

agentziak | erredakzioa

Udalak, "segurtasunaren izenean", jai eremua "militarizatu" duela salatu dute. Parte-hartzeari dagokionez, "nahiko handia" izan dela txalotu dute.

  • Eraso sexisten aurkako protesta, Bilboko Aste Nagusian. Argazkia: EITB

    Eraso sexisten aurkako protesta, Bilboko Aste Nagusian. Argazkia: EITB

  • Whatsapp
  • Whatsapp
  • telegram
  • Bidali

Bilboko Konpartsek gaur esan dutenez, "gutxienez" zortzi eraso sexista izan dira Aste Nagusian, baina benetako kopurua "askoz altuagoa" izan dela uste dute, "emakume askok ez dutelako salatzen Poliziaren aurrean, eta ez diotelako inori horren berri ematen". Gainera, Udalak, "segurtasunaren izenean eta jaian laguntzeko asmorik gabe", jai eremua "militarizatu" egin duela salatu dute.

Iñigo Fernandez de Martikorena Bilboko Konpartsen bozeramailearen hitzetan, sexu-askatasunaren aurkako delituengatik jasotako lau salaketez gain, "gutxienez beste lau izan dira orain arte". "Baina horrek ez du esan nahi gertatu diren bakarrak direnik, beste kasu batzuk ez baitira iristen ez Poliziara, ez familiara, ez konpartsetara; beraz, askoz gehiago direla pentsatu behar dugu", gaineratu du Aste Nagusiaren balantzea egiteko deitu duten prentsaurrekoan.

Bilboko Konpartsek azaldu dute euren protokoloaren lehenengo pausoa biktimarekin eta erasoaren lekukoekin harremanetan jartzea dela.

Parte-hartzea

Aurten jaietan izan den jende kopuruari dagokionez, konpartsek antolatutako ekitaldietan "adin guztietako jende gehiago" antzeman dute goizez eta arratsaldez, baina gauez aurreko urteetako jende kopuru bera izan dela adierazi dute.

Bestalde, Irune Suso Bilboko Konpartsetako kideak azpimarratu du jai eremua "jendez lepo" egon dela "egunero, goizez, arratsaldez eta gauez, parte-hartze handiaren erakusgarri".

Iruzkinak

  • Publizitatea

    Bisitatuena

      Kargatzen ikusiena
      Kargatzen ikusiena