Prestaketa

Pili Manterola eta Igor Zalakain sukaldariek Donostian dagoen KM0 jatetxe beganoko sukaldariak, Iñaki Ubiriak, proposatutako bi osagairekin prestatu dituzte errezetak: albirjinia eta menda-belarra.

Pili Manterolak eskalibada prestatu du:

Albirjiniak erditik ebaki, marra batzuk egin erditik eta azalaren bueltatik. Zartaginean frijitu. Ondoren, hustu.

Hozkailuan dauzkagun barazkiak hartu (piper gorriak, berdeak, tipula, baratxuria...). Guztia julianan zatitu, eta elkarrekin potxatu.

Hotzean edo beroan jan liteke. Hotzean jan behr badugu, ozpin pittin bat bota, eta, bukaeran, gehitu menda-belarra txikituta.

Igor Zalakainek albirjinia frijituak prestatu ditu: 

Albirjiniak patata frijitu moduan moztu. Esnetan sartu eta ordubetez bertan eduki. Frijitu. Zerbitzatzeko, ezti pixka batekin aurkeztu.