Ekonomia -
Txartel Bakarra
Gasteizko tranbiak BAT eta Bizkaiko Barik txartelak onartzen ditu jada
Sei urte beteko ditu bihar Gasteizko tranbiak. Denbora honetan berrogei milioi baino bidaia gehiago egin dira garraiobidean.
Erredakzioa
Gasteizko tranbiak aurrerapausoa eman du Euskadiko Txartel Bakarrerako bidean eta gaurtik aurrera BAT eta Bizkaiko Barik txartelak erabili ahal izango dira. Tranbiak sei urte beteko ditu bihar Arabako hiriburan.
Eusko Jaurlaritzako Ingurumen eta Lurralde Politika Sailburua den Ana Oregik, gaur goizean Gasteizko tranbian Euskadiko garraioaren elkarreragingarritasunaren hedapena aurkeztu du eta gaurtik aurrera BAT txartelak zein Bizkaiko Barik txartelak, bata zein bestea, onartzen ditu.
“Sei urte hauetan, berrogei milioi baino gehiago erabiltzaile izatea da Gasteizen euskal administrazioak aurkeztutako zerbitzu onaren adierazpen hoberena” adierazten zuen Oregik.
Euskotreneko zuzendariak, Imanol Leza eta Garraioko sailburuordearekin eta Antonio Aiz ere izan dira ekitaldian.
Oregik kontaktu gabeko txartel bien erabilera berdina erakutsi du izan ere txartel biak Gasteizko tranbian bidaiatzeko balio dute “Euskadiko Txartel Bakarraren aldeko beste urrats bat emanez, izan ere Gipuzkoako “Mugi” txartela udaberrian abian jarriko da”.
Imanol Leza, Euskotreneko zuzendariaren arabera, “Garraio Txartel bakarrerako Masterplanaren garapena bere fruituak ematen hasi da BAT, MUGI eta BARIK txartelak berdin erabiltzen eta, behin lehenengo esperientziak gaindituta lurralde batzuetan zein besteetan, sistema hedatuz joango da euskal garraio publiko guztira adibidez, tranbiak, autobusak edo trenak”.
