Gizartea -
Hezkuntza
Haur eskoletako neurria baliogabe uztea eskatu dio Udalak epaileari
Udalaren esanetan, "praktikoki eta juridikoki ezinezkoa da" eskoletan beste aurrematrikulazio prozesu bat abiatzea.
AGENTZIAK | ERREDAKZIOA
Hainbat ikasle euskaraz aurrematrikulatzea galarazten duen kautelazko neurria bertan behera uztea eskatu dio Iruñeko Udalak administrazio auzietarako 2. instrukzio epaitegiari.
Nafarroako Gobernuaren Hezkuntza Kontseilaritzak egindako txosten bat oinarri hartuta egin du eskaera Udalak, erakunde publikoen arteko kooperazio printzipioari helduta.
Txosten horren arabera, "praktikoki eta juridikoki ezinezkoa da" eskoletan beste aurrematrikulazio prozesu bat abiatzea, epaileak baliogabe utzitakoaren ordez.
Udalaren esanetan, gainera, beste prozesu bat abiatzeak galarazi egingo luke ikasturtea abuztuaren 16an hastea, aldez aurretik egin beharreko izapideak egiteko astirik ez dagoelako.