Gizartea -
Nafarroa
Kalte material larriak, Lodosako etxe bateko sutean
Nafarroako Gobernuak aditzera eman duenez, ez da inor zauritu.
Agentziak | Erredakzioa
Lodosako etxebizitza batean izandako suteak kalte material larriak eragin ditu. Nafarroako Gobernuak esan duenez, ez da inor zauritu.
20:00ak aldera, Lodosako suhiltzaileak ke usain nabarmena antzeman ostean, gertuko etxe batean sutea piztu zela konturatu ziren.
Hiru suhiltzaile joan ziren, eta etxeko atea behera bota behar izan zuten sartzeko. Barrualdea kez beteta zegoela ikusi ondoren, bi txakur atera zituzten onik.
Etxeko egongelan piztu zen sua; ondorioz, altzari eta ondasun guztiak erre ziren. 21:25ean, lekua garbituta eta aireztatuta, gaua beste toki batean pasatzea gomendatu zioten etxean bizi zen pertsonari.