AP-8 autobidea itxiko dute gauerdian, Aritzeta parean

Gauerdian AP-8 autobidea itxiko dute Aritzeta parean, Usurbilen, larunbatean gertatutako istripua berreraiki eta zergatiak argitzen saiatzeko. Larunbateko ezbeharrean bi pertsona hil eta beste lau lagun zauritu ziren.

Larunbatean gertatutako istripuaren arrazoiak argitzeko, AP-8 autobideak eta Donostiako saihesbideak (GI-20) bat egiten duten gunea (Aritzeta) itxi egingo dute Irungo noranzkoan.

AP-8 autobidea itxi egingo denez, ibilgailuak Donostiako saihesbidetik desbideratuko dira. Gainera, N-1 errepidea itxi egingo da Lasarten, 454. kilometroak, eta trafikoa GI-11tik desbideratuko da.

Azkenik, lanek irauten duten bitartean, Irungo norabideko Hernaniko zerbitzugunetik autobiderako sarbidea itxita egongo da.