Publizitatea
X

Irratia zuzenean

Bioetika Batzordeak haurdunaldi subrogatua debekatzeko eskatu du

Gizartea

Haurdunaldi subrogatua

Bioetika Batzordeak haurdunaldi subrogatua debekatzeko eskatu du

Agentziak | Erredakzioa

2017/05/19

Haurdunaldi subrogatuaren bidez emakumea esplotatzen dela eta umearen interesak kaltetzen direla uste du. Atzerrian egindako kontratu guztiak baliogabetzeko eskatu dio Espainiako Gobernuari.

1:33
  • Partekatu
  • Bidali

Iruzkinak

Bioetika Batzordeak haurdunaldi subrogatua debekatzeko eskatu du, haurdun gelditzeko kontratuaren bidez emakumea esplotatzen delako eta umearen interesak kaltetzen direlako.

Etikari eta osasunari lotutako gaietan Espainiako Gobernua aholkatzen duen erakundea da Bioetika Batzordea.

"Amatasun subrogatuaren aurka egoteko arrazoi sendoak daude eta guk haurdunaldi subrogatuaren debeku unibertsala babesten dugu", adierazi du.

"Pertsona batek seme-alabak eduki nahi izatea desio zintzoa da, baina hori ezin daiteke gauzatu beste pertsona batzuen eskubideak urratuta", dio erakundeak bere webgunean argitaratutako agiri batean.

Bioetika Batzordean arabera, "haurdun gelditzeko kontratu guztiak, doanekoak nahiz ordainpekoak, emakumea esplotatzea dakar eta umearen interes gorenak kaltetzen ditu eta, ondorioz, haurdunaldi subrogatua onartezina da printzipioengatik", erantsi du.

Horrenbestez, espainiar naziotasuna duten herritarrek atzerrian egindako haurdunaldi subrogaturako kontratu guztiak baliorik gabe uzteko beharrezkoak diren neurriak hartzeko eskatu dio Espainiako Gobernuari.

Besteak beste, haurdunaldi subrogatuak kudeatzen dituzten agentziak zigortzeko neurriak proposatu ditu.

Horrez gain, nazioarteko araudi bat eskatu du, "emakumearen eta umearen duintasuna bermatzeko".

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena