Publizitatea
X

Irratia zuzenean

Beroaldi hilgarriek gora egingo dute gas isurien ondorioz

Gizartea

Klima-aldaketa

Heriotza eragin dezaketen beroaldiek gora egingo dute gas-isuriengatik

Agentziak | Erredakzioa

2017/06/19

Hawaiiko (AEB) Unibertsitateko ikerketa baten arabera, herritarren % 48ak jasango ditu tenperaturaren igoeraren ondorioak.

  • Klima-aldaketa

    Klima-aldaketa

    Klima-aldaketa
  • Partekatu
  • Bidali

Iruzkinak

Munduko biztanleen % 74ak beroaldi hilgarrien arriskuak jasango dituzte 2100. urtean, berotegi-efektua duten gas-isuriek gaur egungo erritmo berean gora egiten jarraitzen badute. Hori baieztatu du Nature aldizkari britainiarrak argitaratutako ikerketa batek.

Hawaiiko Unibertsitateko kideek egin dute ikerketa, eta, horren arabera, isuri horiek nabarmen gutxituko balira ere, biztanleen % 48ak jasango lituzte tenperatura igoeraren eraginak.

"Gure aukerak agortzen ari gara etorkizunera begira. Beroaldiei dagokienez, gure aukerak txarrak edo oso txarrak dira orain", baieztatu du Camilo Mora dokumentuaren egile nagusiak.

Adituaren esanetan, gaur egun milaka pertsona hiltzen ari dira beroaren ondorioz, eta, aurreikuspenen arabera, "litekeena da egoera horrek etorkizunean ere horrela jarraitzea, eta ez badira isuriak gutxitzen, askoz ere okerragoak izan daitezke ondorioak".

Gizakien gorputzeko tenperatura egokiena 37 gradukoa da. Gure metabolismoak beroa sortzen duenez, tenperatura hori ezin da baretu kanpoko giroa are beroagoa bada.

Hori dela eta, kalean 37 gradu badaude, gorputzak bero gehiegi pila dezakeela berretsi du ikerketak.

Moraren taldeak erabilgarri dauden datuak errepasatu dituzte, eta beroaren ondorioz hildako 1.900 kasu baino gehiago identifikatu dituzte mundu osoan 1980. urteaz gero.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena