Gizartea -

Desagerpena

Arrasateko mendizalea bilatzeko lanei ekin diete berriro

Laugarren bilaketa-eguna da gaurkoa, eta Anbotoko leize gune bat miatzen ari dira.

Bilaketa-lanak Anboton zentratu dituzte. Argazkia: Gipuzkoako DYA
Arrasatearra Besaide eta Atxondo inguruan bilatzen ari dira

1:14

Agentziak | Erredakzioa

Whatsapp Facebook Twitter Telegram Email

Ostegunean desagertu zen Arrasateko (Gipuzkoa) mendizalea bilatzeko lanei ekin diete berriro astelehen honetan, Anboto mendiko leize gune batean, Segurtasun Sailak jakitera eman duenez.

Laugarren bilaketa eguna da gaurkoa, eta Anbotoko leize gune bat miatzen ari dira Ertzaintzaren helikoptero bat eta mendiko adituak 10:00etatik. 16:00etan, inguruko mendietara zabalduko dute miaketa.

Segurtasun arduradunak Arrasateko Udaleko buruzagiekin bildu dira, eta gaur miaketan Ertzaintzako eta erreskate zerbitzuetako profesionalek bakarrik parte hartzea erabaki dute, haize indartsuak espero direla-eta abisu horia ezarri baitute, eta arriskua izan baitaiteke boluntarioentzat.

Bilaketa-lanek ez dute arrakastarik izan, eta oraingoz Arrasateko bizilagunaren bizikleta besterik ez dute aurkitu.

Arrasatearra desagertu zela jakinarazi zutenetik, boluntarioekin batera, Gurutze Gorriko, DYAko, Gipuzkoa eta Bizkaiko Foru Aldundietako suhiltzaileetako kideak ari dira bilaketa lanetan parte hartzen. Besaide, Anboto eta Udalatx ingurura zabaldu dituzte bilaketa-lanak.

Hau zure interesekoa bada, baliteke beste gai hauek ere izatea
Gipuzkoako albisteak Arrasate albisteak Gizartea bideoak Albisteak Desagertutako pertsonak gaur