Sute handi bat piztu da Bilbo erdigunean, baina ez du zauriturik eragin

Sute handi batek Bilbo erdiguneko etxebizitza bat kiskali du gaur goizean. Udaletik jakitera eman dutenez, ez da inor zauritu.

Poza Lizentziatuaren kalean piztu da sua, 7 zenbakidun eraikineko etxebizitza batean, azken solairuan (6.ean). 08:30 inguruan piztu da, eta ordu horretan, etxebizitzaren barruan zeuden bi pertsona euren kabuz atera dira kanpora, minik hartu gabe; hori bai, osasun-zerbitzuek bi lagun artatu behar izan dituzte, bertan: 90 urteko emakume bat, eta 53 urteko gizon bat.

Etxebizitzaren balkoitik ke-laino handia atera da, eta ikusgarria izan da sutea. Suhiltzaileen bost kamioi bertaratu dira, eta azkar lortu dute sutea kontrolpean izatea.