Gizartea -
Hiztegia
Euskaltzaindiak hainbat definizio aldatuko ditu, aro berrira egokitzeko
Adibidez, aitaginarrebaren definizioa aurrerantzean ondokoa izango da: "ezkontideetako baten aita beste ezkontidearentzat".
Agentziak | Erredakzioa
Euskaltzaindiak familia-harremanetako hainbat definizio aldatuko ditu, egungo errealitatera egokitzeko asmoz.
Euskaltzainek hilabeteko epea izango dute definizio berrietan zuzenketak egiteko edo ekarpen berriak aurkezteko. Kontrakorik ez bada, proposamen horiek ontzat eman eta hiztegian aldatuko dira.
Abenduaren 22ko osoko bilkuran aurkeztu zuten Euskaltzaindiaren Hiztegia berritzeko zerrenda.
Adibidez, aitaginarreba lehen “senarraren aita emaztearentzat, edo emaztearena senarrarentzat” definitzen zena, oraingo proposamenean “ezkontideetako baten aita beste ezkontidearentzat” gisa jaso dute.
Eta, errain, lehen “semearen emaztea” zen, baina orain “semearen edo alabaren emaztea” gisa jasotzea proposatu dute, gizarte-ereduaren aldaketa hiztegira ekarrita.