Publizitatea
X

Irratia zuzenean

Izar iheskorrak 2018ko apirila: Liridak, apirilaren 22an ikusgai

Gizartea

Astronomia

Liriden izar iheskorrak igandean ikusi ahal izango dira

Agentziak | Erredakzioa

2018/04/16

Fenomenoa 20:26an iritsiko da. Ilargia ilgoran egongo da, beraz, laster ezkutatuko da.

  • Izar iheskorren artxiboko irudia: EFE

    Izar iheskorren artxiboko irudia: EFE

    Izar iheskorren artxiboko irudia: EFE
  • Partekatu
  • Bidali

Iruzkinak

Igandea egun garrantzitsua izango da zerua begiratzea gustuko dutenentzat, izan ere, Liriden izar iheskorrak iritsiko dira, 20:26an, hain justu.

Lurrak kometen zabor korronteekin edo, noizbehinka, asteroideekin topo egitean sortzen dira fenomeno hauek. Hondakinen partikulek Lurraren atmosferaren aurka talka egiten dute eta erre egiten dira, meteoroak edo izar iheskorrak sorraraziz.

Liriden batez besteko jarduera-tasa orduko 18 meteorokoa da, hainbat egunez segundoko 49 km-ko abiadura lortuta. Izar iheskor "nabarmenak ez" izan arren, urte batzuetan jarduera-tasa orduko 100 meteoro baino gehiagora iristen da.

Liridak azken 2.600 urtetan behatu dira, eta erregistrorik zaharrenak Zuo Zhuan Txinako kroniken liburuan daude (K.a. 687. urtea).

Nola eta noiz ikusi

Apirilaren 22tik 23ra bitarteko gauean, ilargia ilgoran egongo da, beraz, fenomenoa laster ezkutatuko da.

Behatoki Astronomiko Nazionalaren arabera, izar iheskor hauek ikusteko edozein leku aukeratu daiteke, zerua ilun ikustea ahalbidetzen duen bitartean.

Liridak Lyra konstelaziotik datozela dirudien arren, zeruko edozein lekutan ikus daitezke. Behatokiak gunerik ilunenetara begiratzea aholkatu du, ilargia dagoen lekuaren beste aldera.

 

Iruzkinak

Publizitatea
Publizitatea
NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena