Gizartea -
Nafarroan
Hiru gazte erreskatatu dituzte Beran, Bidasoa ibaiko uretara erori ostean
Gazteen ontzia irauli egin da Berako Zalain auzoaren parean. Gazteetako bat bere kabuz atera da uretatik; beste hirurak suhiltzaileek erreskatatu behar izan dituzte.
Agentziak | Erredakzioa
Hiru gazte erreskatatu zituzten apirilaren 17an Bidasoa ibaian beraien ontzia irauli ostean. Gazteetako batek bere kabuz ateratzea lortu zuen. Osasun-zentrora eraman behar izan zituzten uretan denbora luzez egondako hirurak hipotermiak jota, Nafarroako Gobernuak jakinarazi duenez.
Herritar batek 112 zenbakira deitu zuen, 20:39an, Berako Zalain auzoaren parean, Bidasoa ibaian nabigatzen ari zen ontzi bat irauli egin zela jakinarazteko. Gazteetako bat bere kabuz atera zen, beste hirurak, berriz, harri baten gainean igo ziren erreskatatuak izan arte.
Suhiltzaileek arnesak jarri zizkieten gazteei uretatik ateratzeko. Erreskatea 23:00ak aldera bukatu zen, ibaiaren emari handiak eta korronte handiek eragotzi baitzituzten erreskate lanak. Hiru gazteak osasun-zentrora eraman dituzte hipotermiak jota.