Mundua -
narkotrafikoa
El Chapori biziarteko espetxe zigorra ezar liezaiokete AEBn
AEBk Mexikoko Gobernuarekin adostutakoari jarraiki, erabat baztertu dute narkotrafikatzaileari heriotza zigorra ezartzea.
AGENTZIAK | ERREDAKZIOA
Joaquin El Chapo Guzman droga-trafikatzaile mexikarrari 17 delitu egotzi dizkiote AEBn, eta baliteke biziarteko espetxe zigorra ezartzea.
El Chapo herrialde horretako sei estatutan epaitu nahi zuten, baina, azkenean, akusazio formala New Yorkeko eta Miamiko fiskaltzek egingo dute.
Robert Capers New York ekialdeko fiskalaren esanetan, baliteke epaiketak asteak irautea.
Gainera, Mexikoko Gobernuarekin adostutakoari jarraiki, erabat baztertu dute narkotrafikatzaileari heriotza zigorra ezartzea.
Bere aldetik, Guzmanek New Yorkeko epaitegi batean deklaratu du, eta ez dela errudun esan du.