Politika -
602 jarri nahi ditu
Covitek plaka bat jarri du Bilbon biktima baten omenez
Elkarteak ez dio plaka jartzeko baimena eskatu Bilboko Udalari eta orain arte jarri duen lehenengoa da.
Erredakzioa
Terrorismoaren Biktimen Euskadiko Taldeak (Covite) Maria Luisa Sanchez Ortega ETAk 1987ko otsailaren 19an hildako garbitzailearen omenezko plaka bat jarri du Bilboko Marzana kaian.
Elkarteak ez dio plaka jartzeko baimena eskatu Bilboko Udalari eta orain arte jarri duen lehenengoa da. Covitek 602 plaka jarri nahi ditu Euskadin ETAko biktimak hil zituzten lekuetan gogorarazteko, erakundeek ez badute egiten.
"Terrorismoak gure bizitzetatik ezabatu zituen, baina ez dugu onartuko erakundeen utzikeriagatik gure historiatik ezabatzea. Botere publikoek ez badituzte hildakoen omenezko plakak jartzen Covitek berak jarriko ditu", esan du Consuelo Ordoñez Coviteren presidenteak.