'Hordago nazionalistari' aurre egiteko akordioa proposatu du Lopezek

Patxi Lopezek PSOEren Ekintza Politiko, Herritartasun eta Askatasun idazkariak Kataluniako "hordago nazionalistari" aurre egiteko akordio bat proposatu du.

Kataluniako hauteskunde deialdia baloratzeko Bilbon eskainitako prentsaurrekoan, Lopezek "krisiaren ondorioak pairatzen ari diren milaka herritar alboratu izana" egotzi dio Artur Mas Generalitateko presidenteari. "Masek eta ERCK botere-borroken gatibu bihurtu dituzte herritarrak", salatu du.

Hori dela eta, "akordioa" lortzeko eta 1978ko itun konstituzionalean parte hartu ez zuten belaunaldien "ahotsa eta botoa" gaineratzeko deia egin du.

"Irailekoak ez dira plebiszitu-hauteskundeak izango, baina, hala ere, oso garrantzitsuak izango dira. Kataluniako gizarteak barne borrokak eta desberdintasunak areagotzea du jokoan", ohartarazi du.