Politika -
Pedro Sanchezen inbestidura
Rajoyren 'itxaropen handiena' izatea egotzi dio PSOEk Iglesiasi
Negoziazioak bertan behera utzi izana "arduragabekeria" dela deitoratu du alderdi sozialistak.
AGENTZIAK | ERREDAKZIOA
Antonio Hernando PSOEko bozeramaileak "bihar bertan" berriz biltzeko deia egin dio Podemosei, inbestidura akordio bat lortzen saiatzeko.
Buruzagi sozialistak prentsaurrekoa eskaini du Kongresuan, Podemosek sozialistekin abiatutako negoziazioak bertan behera utzi eta gero.
Horren ildotik, Hernandok "arduragabekeria"tzat jo du alderdi morearen erabakia, eta Pablo Iglesias "Mariano Rajoyren itxaropen handiena" dela nabarmendu du.
PSOEko buruzagiak Ciudadanosekin sinatutako legegintzaldi akordioarekin bat egiteko "borondaterik" ez izatea egotzi dio Podemosi.
Halaber, Sanchezen aurka bozkatzen badu, euren boto-emaileei "azalpenak" eman beharko dizkietela adierazi du.
