Politika -
A-20: Hauteskundeak
Geroa Bai, EAJren eta NaBaiko independenteen koalizio berria
Uxue Barkos izango da Geroa Baiko hautagaitzaren zerrendaburua. Nafarroako koalizio berria Atarrabia Taldeak ere osatzen du.
Erredakzioa
Nafarroan koalizio berri bat sortu da. EAJk, Zabaltzen plataformak (NaBaiko independenteak) eta Atarrabia Taldeak Geroa Bai izeneko koalizioa osatuko dutela iragarri dute gaur goizean.
Aralarrek NaBai utzi eta Bildurekin koalizioa eratzea (Amaiur izenekoa) erabaki ostean sortu da aipatu koalizioa.
Azaroaren 20ko hauteskunde orokorretan, Geroa Bairen zerrendaburua Uxue Barkos izango da.
Uxue Barkosek marka politiko berria aurkezteko eskaini duen prentsaurrekoan azaldu duenez, Geroa Bai "kolore bakarrekoa ez den Nafarroarentzat proiektu eta erreminta eraginkor berri bat da, instituzioek orain arte erakutsi ez bezala, gizarteari erantzungo diona". Horrez gain, Barkosek azpimarratu du Geroa Bai etorkizuneko egitasmoa dela eta gainerako alderdi eta koalizioekin liskarrik bilatzeko asmorik ez duela. Ildo horretan, bai Amaiur koalizioarekin bai eskuineko alderdiekin ezberdintasunak dituztela esan du eta, ondorioz, euren lehentasuna ongizate estatuaren alde lan egitea izango dela iragarri du.
Nafarroan koalizio berri bat sortu da. EAJk, Zabaltzen plataformak (NaBaiko independenteak) eta Atarrabia Taldeak Geroa Bai izeneko koalizioa osatuko dutela iragarri dute gaur goizean. Aralarrek NaBai utzi eta Bildurekin koalizioa eratzea (Amaiur izenekoa) erabaki ostean sortu da aipatu koalizioa. Azaroaren 20ko hauteskunde orokorretan, Geroa Bairen zerrendaburua Uxue Barkos izango da.Uxue Barkosek marka politiko berria aurkezteko eskaini duen prentsaurrekoan azaldu duenez, Geroa Bai "kolore bakarrekoa ez den Nafarroarentzat proiektu eta erreminta eraginkor berri bat da, instituzioek orain arte erakutsi ez bezala, gizarteari erantzungo diona". Horrez gain, Barkosek azpimarratu du Geroa Bai etorkizuneko egitasmoa dela eta gainerako alderdi eta koalizioekin liskarrik bilatzeko asmorik ez duela. Ildo horretan, bai Amaiur koalizioarekin bai eskuineko alderdiekin ezberdintasunak dituztela esan du eta, ondorioz, euren lehentasuna ongizate estatuaren alde lan egitea izango dela iragarri du.
