Politika -
Hauteskunde kanpaina
Eusko Jaurlaritzak hautagaien segurtasuna indartuko du Pradalesen aurkako erasoaren ostean
Gizon batek piperbeltz esprai batekin eraso egin zion EAJko lehendakarigaiari, Barakaldon (Bizkaia), mitina eman ondoren.
Agentziak | EITB MEDIA
Apirilaren 21eko hauteskundeetara aurkeztuko diren alderdi politikoetako hautagaien segurtasuna indartzea erabaki du Eusko Jaurlaritzak, joan den asteartean Imanol Pradales EAJko lehendakarigaiak jasandako erasoaren ostean.
Gizon batek piperbeltz esprai batekin eraso egin zion atzo Pradalesi, Barakaldon (Bizkaia), mitin batean parte hartu ondoren, eta Gurutzetako ospitalean artatu behar izan zuten, begiei eragin baitzion espraiak. Erasotzailea atxilotu eta behin-behinean aske utzi zuten epailearen aurretik igaro ondoren.
Gertaera horren ostean, Eusko Jaurlaritzak baieztatu duen bezala, Josu Erkorekak zuzentzen duen sailak alderdi ezberdinetako hautagaien segurtasuna indartzea erabaki du hauteskunde-kanpaina honen azken txanpan geratzen diren ekitaldietan.
