Gaztea
Nobedadeak
LUZIA ZUGADI | EITB.EUS
Abenduaren 4tik 8ra euskal taldeen disko berriak egongo dira eskuragarri Durangoko Azokan. Musikak leku garrantzitsua beteko du, ohi legez.
Euskal diskoetxeak azken ukituak ematen dabiltza abenduaren 4tik aurrera Durangoko Azokako standetan erakutsiko dituzten proiektuei. Bost egunez, euskal musika sortzaileen erakusleiho izango da Durango.
Baga Bigak, adibidez, En Tol Sarmiento, Enkore, Korrontzi, Larregi, The Uski's eta Txapelpunk taldeen berriena aurkeztuko du.
Elkar eta Oihuka etxeen eskutik, besteak beste, EH Sukarraren, Igelaren Bandaren, Izaki Gardenaken, Ken Zazpiren eta Mikel Urdangarinen lan berriak iritsiko dira Azokara.
Bonberenea Ekintzak zigiluak ere hainbat nobedade eramango ditu: Bad Sound, Bi Bala, Glaukoma eta Ze Esatek! taldeen disko berriak, esaterako.
Bestalde, Maukaren standean aurkituko ditugu Arkada Social, Eratu, Fiachras, Iheskide, McOnak, Sermonds, The Friday Crew eta Voltaia taldeen lanak. Gainera, 5. urteurrenaren kariaz argitaratutako bilduma jarriko dute salgai.
Bidehutsek ere gutxienez bi lan aurkeztuko ditu. Batetik, Anariren Zure aurrekari penalak, eta bestetik, Jupiter Jonen Eta metaforak greba egin zeben.
Horiek gutxi ez eta, Berri Txarraken Jaio.Musika.Hil diskoa egongo da eskuragarri Durangoko Azokan, Only in dreamsen eskutik. 5Gorak, ostera, Esne Beltzaren Esna proiektua eramango du Durangora, eta horixe berori egingo du Jo Ta Ke Ekoizpenak etxeak Su Ta Garren Jaiotze basatia lanarekin.
Bukatzeko, Talka Recordsek Fermin Muguruzaren Nola? argitaratu du, eta Kalaportu Sare Bideak eta Garoa Kultur Laben ardura izan da Lou Topeten berria argitara ematea.
Auto-ekoizpena
Ohi legez, baten batzuek auto-ekoizpenaren aldeko apustua egin dute oraingo honetan ere. Azokan horiek aurkeztuko dituzten lanen artean daude Sorkunen Ziklomorphosia, Suederren Bazan ordue, Estankonaren Ardatza eta Haxotzen Letaginak.
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.