Athletic Club
2-1
Athletic Valentziari irabazita berpiztu da
Mikel Dominguez | eitb.eus
Valentziak gola sartu du 2. minutuan, baina Athletic nagusi izan da momentu horretatik aurrera, eta Adurizen bi golek markagailua irauli dute.
Athleticek Valentziari irabazi dio San Mamesen (2-1), jokalari zurigorrien lan onari eta oraindik Ligan irabazi ez duen Valentziari esker. Sei puntu dituzte zurigorriek.
Ezin txarragoa izan da partidaren hasiera zurigorrien interesentzat. Athleticeko atzelariak oso ahul ibili da Valentziaren lehenengo iritsieran. Naniri bidea ireki diote eta Medranek gola egin du, Laportek aurre egin gabe.
Kolparen ostean, berpiztu dira lehoiak eta lanean hasi dute. 17. minutuan, Susaetak gola barkatu du, atezainaren aurrean bakarrik, eta hiru minutu beranduago, Alvesek Williamsen jaurtiketa bat urrundu du.
23.ean, Raul Garciarena izan da aukera. Athletic gora begira zegoen, abagune guztiak sortuz, eta falta jaurtiketa batean, Adurizek Beñaten falta jaurtiketa bat errematatu du buruz, markagalua berdinduz.
Atzean ez dira ondo aritu, ez bata ez betea. Zurigorrien defentsaren akats batek aukera bat eskaini dio Valentziari, baina Rodrigoren jaurtiketa goitik joan zaio.
Lehenago, Adurizek ezin izan du Valentziaren atzelarien beste akats bat. Baina 41.ean, donostiarrak bikainki kontrolatu du Beñaten erdiraketa ona, eta aurretik jarri ditu zurigorriak, baselinaz. Athleticen nagusitasuna, jokoan eta markagailuan.
Bigarren zatia ere nagusi izan da Athletic, intentsitatea areagotuz. Susaetak urrezko abagunea izan du, baina berriz egin du kale. Argiena, hala ere, Raul Garciaren bolea bat izan da 61.ean, Alvesek ondo urrunduta.
Presioa eta nagusitasuna jarri ditu Athleticek, baina Kepa ere lanean jarri behar izan da Rodrigo Morenoren erremate batean. Ondarroarrak geldiketa bikaina egin du, berniketa uxatuz.
Azken zatian, jokoa trabatu da. Zurigorriei nekea atzeman zaie, eta kontraerasoan izan ditu aukerak. Beñatek markagailua ixteko aukera izan du 85.ean, baina barkatu egin du Igorrekoak. Azkenean, etxekoen nagusitasunak bigarren garaipena eman die.
FITXA TEKNIKOA
Athletic: Kepa; De Marcos, Boveda (Yeray, 69. min), Laporte, Balenziaga; Iturraspe (San Jose, 61. min), Beñat; Williams (Mikel Rico, 80. min), Raul Garcia, Susaeta; eta Aduriz.
Valentzia: Diego Alves; Martin Montoya, Santos, Mangala, Gaya; Mario Suárez (Joao Cancelo, 66. min), Parejo, Medrán; Nani, Rodrigo (Santi Mina, 66. min) eta Munir.
Golak: 0-1, 2. min: Medran. 1-1, 24. min: Aduriz. 2-1, 41. min: Aduriz.
Aduriz.