Aurreko etaparen antzera arituko gara gaurkoan ere, 35 kilometro dituzte aurretik eta. Bujaruelotik atera eta aldapa gora egingo dugu aurrera 14. kilometro eta 2.570 metroko garaierara iritsi arte. Handik Panticosako Bainuetxe ezagunera jaitsiko gara, Huescako tokirik bisitatuenetako batera, alegia.

Segidan, Panticosatik abiatu eta 2.760 metrotara igo ostean, beherantz ekingo diogu geure bideari 32,5. kilometroan aurki dezakegun laku ikaragarriaz gozatzeko.

Bukatzeko, aldapa beherari ekingo diogu, 10 kilometrotan zehar, Sallent de Gallegora helmugaratu arte. Honakoa Huescako iparraldeko udalerria da, Alto Gallegoko eskualdean kokatua eta hainbat mendizaleren elkargune. Geure helbururik hurbilena beteko dugu bertara iritsita hau baita bederatzigarren etapa honetako helmuga, eta hortaz, helburu nagusira hurbiltzen gaudenaren seinale.