Primera RFEF
Lehen Multzoa
Bigarren B Maila: Lemoa, play-offetatik gertu
Andoni Beldarrain
Erredakzioa
Izarrak 1-1 berdindu du salbazioagatik borrokan ari den Racing Ferrolen aurka. Osasuna Bk Cultural Leonesaren aurka galdu zuen eta jaistieratik 5 puntura dago.
Asteburu honetan Bigarren B Mailako Lehen Multzoko 24 ihaedunaldia jokatu zen eta 20 gol sartu ziren.
Ponferradinak jarraitzen du sailkapenaren lehen postuan 47 punturekin Barakaldoren aurka 0-0 berdindu ondoren. Bizkaitarrak zortzigarren postuan daude 33 punturekin, play-off postuetatik sei puntura. Eibarrek ezin izan zuen Ponferradinaren berdinketari etekina atera Montañerosen aurka 1-1 berdindu ondoren. Armaginak bigarren postuan daude 46 punturekin. Lemoak eman zigun asteburuko albiste pozgarriena Zamorari 3-1 irabazita. Aitor Larrazabalek zuzentzen duen taldea 36 punturekin dago seigarren postuan play-off postuetatik hiru puntura. Alaves dago zazpigarren postuan 34 punturekin, baina burua altxa ezinik jarraitzen dute Carlos Pousoren Guijueloren aurka 0-0 berdindu baitzuten.
Harrobiko bi taldeak, Bilbao Athletic eta Osasuna B sailkapenaren erdialde inguruan daude jaitsiera postuetatik 5 puntura. Zuri-gorriek 1-1 berdindu zuten hirugarren sailkatua den Palenciaren aurka eta gorritxoek 2-3 galdu zuten jaitsieratik alde egiten ari den Cultural Leonesaren (28 puntu) aurka.
Jaitsiera postuetan jarraitzen dutenak Sestao eta Izarra dira: Riverrek 0-0 berdindu zuen Mirandesen aurka eta jaitsierako promozio postuan dagoen Guijuelorekin (25 puntu) berdinduta daude bizkaitarrak. Izarra 19. postuan dago 22 punturekin 18. postuan dagoen Racing Ferrolen (24 puntu) aurka. Salbazioa bost puntura dute nafarrek.
24. ihardunaldiko emaitzak Lehen Multzoan:
CELTA B 1 - 1 LUGO
MONTAÑEROS 1 - 1 EIBAR
MIRANDES 0 - 0 SESTAO RIVER
PALENCIA 1 - 1 ATHLETIC B
PONFERRADINA 0 - 0 BARAKALDO
PONTEVEDRA 1 - 2 COMPOSTELA
IZARRA 1 - 1 RACING FERROL
LEMONA 3 - 1 ZAMORA
ALAVES 0 - 0 GUIJUELO
C. LEONESA 3 - 2 AT. OSASUNA B
