basauri
Udaletxetik hurbil
Lagun bat zauritu da Basaurin izandako auto-istripuan
eitb.eus
Ezbeharraren tokian artatu dute eta ez dute erietxera eraman behar izan. Istripuaren ondorioz pilaketak izan dira.
-
Istripua Basauriko Kareaga Goikoa kalean gertatu da. Argazkia: eitb.eus
Bi ibilgailuk talka egin dute arratsalde honetan Basaurin (Bizkaia) eta lagun bat arin zauritu da, Udaltzaingoak eitb.eus-i jakinarazi dioenez.
Anbulantzia bat bertaratu da ezbeharraren tokira eta han artatu dute zauritua. Ez dute erietxera eraman behar izan.
Istripua Kareaga Goikoa kalean gertatu da, 48. Zenbakian, Marienea Emakumearen Etxearen aurrean, udaletxetik 100 metrora.
Ezbeharraren ondorioz auto-ilarak izan dira 16:00etatik 17:00etara bitartean, udaletxeko bidegurutzean eta San Migel auzorako noranzkoan.