Sagardui: "Covid ziurtagiria beste eremu batzuetara zabaltzeko agindua gauerdian sartuko da indarrean"

Gotzone Sagardui Osasun sailburuak pandemiaren bilakaeraren berri eman du arratsalde honetan egin duen agerraldian. Covid ziurtagiria ostalaritzako establezimendu guztietan, ospitaleetan, erresidentzietan, kiroldegietan eta eremu itxietan egiten diren kultur ekitaldietan eskatzeko agindua gaur gauerdian sartuko da indarrean. Osakidetzak omikron aldaeraren lehen kasuak antzeman ditu Araban eta Bizkaian.