18:09

Herriak eta Hiriak

Bilboren 717. urteurrena

Bilboko Gau Zuriaren egitaraua

ERREDAKZIOA

31 ekitaldi eskainiko dituzte ekainaren 17tik 18rako gauean, Bilboren 717. urteurrena ospatzeko.

  • Arriaga Antzokia, iazko Gau Zurian argiztatuta. Argazkia: Joseba Gomez

    Arriaga Antzokia, iazko Gau Zurian argiztatuta. Argazkia: Joseba Gomez

  • Whatsapp
  • Whatsapp
  • telegram
  • Bidali

Bilboren 717. urteurrena ospatzeko Gau Zuria ekainaren 17tik (larunbata) 18ra (igandea) ospatuko dute, eta 31 ekitaldi antolatu dituzte horretarako.

Hain zuzen ere, ekainaren 17ko 20:30etik hurrengo eguneko 02:30era egingo dituzte ospakizunak.

Gau Zuria ekainaren 15ean inguru egin ohi da, egun horretan sinatu baitzuen Diego Lopez Harokoak Bilbo hiribildu bihurtzeko gutuna.

Ohi bezala, eraikinen argiztapena izango da ekitaldi izarra. 22:30ean argiztatuko dituzte, koloretsu, udaletxean hasita.

Ekitaldiei hasiera emateko, Bilboko Akordeoien Orkestra Sinfonikoak kontzertua eskainiko du Santiago katedralean.

Besteak beste, Guggenheim museoan, Arte Ederren museoan, San Nicolas elizan, Zubizuri zubian eta Deustuko eta EHUko unibertsitateetan ere hainbat ekitaldi egingo dituzte.

Adibidez, Areatzan, argi-labirintu bat jarriko dute; Uribitarteko zubian luma mekaniko batek mezu poetikoak idatziko ditu laser bidez; eta Moiua Plazan "argi-zaldi" batzuek dantza egingo dute.

La Najako tren geltoki zaharrean irudi, musika eta dantza ikuskizuna eskainiko dute, eta Iberdrola Dorrean hiru txelo-jotzaile arituko dira.

Euskal Museoan antzezlan bat eskainiko dute, Madrilgo Club Lyceum oroitzeko.

 

Gau Zuriaren egitarau osoa:

00. UDALETXEA
Gau Zuriak hiritarrak deituko ditu Bilboko Udaletxearen aurrera, argiztapen apaingarri batekin goza dezaten udal eraikinaren 125.urteurrena dela-eta.
Lekua: Bilboko Udaletxea, 22:20etik aurrera.

01. PUSH-PULL
Dantza-ikuskizuna harreman pertsonalen hartze eta emateei buruz.
Lekua: Martzana kaia.
Saioak: 22:00; 22:45; 23:30; 00:15; 01:00.

02. LYCEUM CLUB
Madrilgo Lyceum Klub-ari buruzko antzerki-emanaldia. XX. mendearen hasierako emakumeek huts-hutsean osatutako elkartea, besteak beste, Pilar de Zubiaurre, Zenobia Camprubí eta Carmen Baroja izan zituen bazkide. Emanaldi honetan emakume aitzindari horiei eta eurak abiatutako ekimenei -kultura eta hezkuntza unibertsala helburu zutenak- balioa emango zaie.
Lekua: Euskal Museoa.
Saioak: 22:00; 22:45; 23:30; 00:15; 01:00.

03. BILBAO, ABESTIZ ETA SOINUZ
Santiagoko katedrala ohiko kontzertuaren egoitza izango da. Hiru musika-talde izango dira: Bilboko Akordeoien Orkestra Sinfonikoa, Bilboko Koral Elkarteko umeen abesbatza eta Euskeria abesbatza eta Iralabarriko San Antonio abesbatza.
Lekua: Santiagoko katedraleko arkupeak.
Saioak: 20:30: Bilboko Akordeoien Orkestra Sinfonikoa (Amagoia Loroño, zuzendaria).
22:00: Bilboko Koral Elkarteko umeen abesbatza (Jose Luis Ormazabal, zuzendaria) eta Bilboko Koraleko Euskeria abesbatza (Urko Sangroniz, zuzendaria).
23:30: Iralabarriko San Antonio abesbatza (Maite Zugazaga, zuzendaria).

04. HABITACIÓN CON VISTAS
Pertsonalizatutako lanparen pantailak. Zazpi Kaleetako kale batzuk apainduko dira, oihalekin egindako lanparen pantailak erabiliz girlandak eginez.
Lekua: Zazpi Kaleak (Bidebarrieta eta Posta kaleak).
22:30etik aurrera.

05. EZAGUTU BILBO!
Ezagutzen al duzu Bilbo? Galdera horri erantzungo diote jolas interaktiboan parte hartzen dutenek. Hain zuzen ere, Bilbokoak ez diren eraikinak eta paisaiak saihestu. beharko dira.
Lekua: Plaza Barria.
20:30etik aurrera.

06. MEMORIA INVOLUNTARIA
Zenbait ikono eta sinbolo klasiko proiektatuko dira, ikus-entzunezkoen teknika bat erabilita: pixel-sorting-a. Teknika honekin zenbait koadro mugimenduan eman eta bulkada bisualak eskaintzen dira, gordean dagoen oroimena estimulatzeko. Elizaren fatxadan behin eta berriro errepikatzen den proiekzioa, beren-beregi horretarako konposatutako soinu-espazioarekin.
Lekua: San Nicolaseko elizako fatxada.
22:30etik aurrera.

07. LA ESTACIÓN SIN TIEMPO
Trenari buruzko bideo-mapping-a, zuzeneko musikarekin. Irudien proiekzioa, musika eta dantza lagun, tren-geltokietako bidaiarien joan-etorria irudikatuz.
Lekua: Naxako geltokia.
22:30etik aurrera.

08. ARGIZKO SAREAK
Hari luminiszenteen labirintoa -arrantzarako hariak balira legez-, eta giroan portuetako ohiko soinuak, esaterako, porturatzen ari diren ontzien burrunba.
Lekua: Areatzako aterpeak.
22:30etik aurrera.

09. LAGUNEN TXOKOA
Dekorazio urbano bitxia figura puzgarriekin eginda; oinarriek jarlekuaren edo mostradorearen funtzioa ere badute. Gau Zurian atzera-aurrera gabiltzanez, atsedena hartzeko lekua dugu honako hau.
Lekua: Erripako kaia.
20:30etik aurrera.

10. TRAINERAK
Euskal tradiziorik errotuenetako bat ditugu traineruak eta honako honetan, argiekin 12na metroko traineru bi egingo ditugu udaletxeko zubian. Traineru bakoitza modu mekanikoan mugituko da estropada irudikatuz, zein bere erritmora. Onenak irabaz dezala!
Lekua: Udaletxeko zubia.
22:30etik aurrera.

11. UN JARDIN EN PLUS
Puzgarrien figurekin egindako lorategia: loreak, zuhaixkak, zuhaitzak…
Lekua: Uribitarte.
20:30etik aurrera.

12. NOCTURNA DE POESÍA
Luma mekanikoa, laser argiarekin mezu poetiko iragankorrak idazten dituena.
Lekua: Uribitarte.
22:30etik aurrera.

13. ZUBIETAN ZURI
Zubizuri dotore egongo da argi-, kolore- eta soinu-sortekin. Marrazgailuek gehienbat ibairantz proiektatuko dituzte argi-sortak, isla-efektu zirraragarriak lortuz.
Lekua: Zubizuri.
22:30etik aurrera.

14. PAINT TOUCH
Zabalguneko eraikineko beiratearen gainean irudi dinamikoen sekuentziak proiektatuko dira; erabiltzaileak DJ bideo bat balitz bezala manipulatzen dituenak dira irudiok.
Lekua: Zabalguneko eraikina.
22:30etik aurrera.

15. NIDOS
Gaueko hegaztiek Kale Nagusiko zuhaitzetan habiak egingo dituzte.
Lekua: Kale Nagusia.
22:30etik aurrera.

16. ZALDIEN DANTZA
Argizko zaldi talde baten dantza iturriaren inguruan. Hezte magiko baten erakustaldia Bilboko erdigunean.
Lekua: Moyua plaza.
Saioak: 22:30 + 00:15 + 01:30.

17. ART-Izarrak
Azkuna Zentroa Art-Izarrak bihurtuko da, hau da, arte bizien erakusleiho eta laborategi. “Jendartea” obra eskainiko da, Oreka TX taldearen azken lana, Thierry Biscary-rekin eta DJ bideo batekin batera; dantza, Bikalaren eskutik etorriko zaigu, eta dantzariak, Joseba Irazokiren musika esperimental eta abangoardiakoak lagunduta. Zirkuak ere izango du lekua eta musikaren arloan ezagun egin den Huntza taldea izango dugu.
Lekua: Azkuna Zentroa.
Saioak: 20:30 + 22:30 Jendartea. Oreka TX + T. Biscaray + Video DJ.
21:00 + 23:00 Bilaka.
21:20 + 23:20 Hariak.
21:40 + 23:40. Huntza.
22:10 + 00:10 Joseba Irazoki Dantza Bertikala-rekin.

18. ARBORELUM
Enborrak eta ihiak argi-sortekin animatuta eta kolorez aldatzen direnak, mugimendu-itxura emateko; hori guztia txorien txorrotxioak, kilkerren txirri-txirriak eta haize finaren ufadak lagun direla.
Lekua: Euskadi plaza.
22:30etik aurrera.

19. DANZA EN LA VENTANA
Gaur eguneko dantza eta eskultura eskutik, bertaratutakoen gozamenerako.
Lekua: Arte Ederren Museoa.
22:00etatik aurrera.

20. REFLEJOS DE MÚSICA, ECOS DE LUZ
Hiru txelo-jotzaile Iberdrola dorreko atariko hiru lekutan kokatuko dira eta Bach-en 1. zenbakiko suitea joko dute sol maiorrean. Bakoitzak mugimendu bat joko du eta horrela, musika leku desberdinetatik sortuko da. Oihartzuna legez, mugimendu batek beste batera eramango gaitu. Sabaian, urre koloreko mintz islatzailea jendearen gainetik mugituko da eta espazioa itsasoaren isladez beteko du.
Lekua: Iberdrola dorrea.
22:00etatik aurrera.

21. V.Í.C.T.O.R.
Ikuskizun retro futurista, slow-techno bideo mapping-arekin.
Lekua: Guggenheim Museoa.
22:00etatik aurrera.

22. HIRU ATE
Lore-instalazio barroko argiztatua, giro intimista gogoraraziko diguna, Gau Zuria patxadatsuago hartzeko.
Lekua: Ingelesen landa.
22:30etik aurrera.

23. BALDOSA
Instalazio interaktibo eta murgiltzailea. Bilboko baldosa handi bat da, 6 x 6 m neurrikoa, lurretik 40 zentimetrora dagoena eta perimetroa argiztatuta duena. Baldosako marrazki geometrikoetako erliebe bakoitzak argien eta soinuen sekuentzia bat aktibatuko du, zapaltzen denean.
Lekua: Ingelesen landa.
22:30etik aurrera.

24. IPURTARGIEN LORATEGIA
Ikusleekin elkarreragingo duen argi-labirintoa. Kez betetako airean, laser argiek ikusleen ahotsekin erreakzionatuko dute, hain zuzen ere, soinuaren frekuentziaren araberako irudiak eginez. Ingurugiro horretan, poesiako testuak proiektatuko dira.
Lekua: UPV-EHU Bizkaia Aretoa.
22:30etik aurrera.

25. DANDELIONS
Argizko basoa, neurri desberdinetako txikoria-belar erraldoien 90 instalazioen artean ibiltzeko. Jarduera honen bidez, birziklatzea eta energia aurreztea bultzatzen da.
Lekua: Abandoibarra etorbidea.
22:30etik aurrera.

26. ITSASARGIAK
Kaleko farolen lerrokatzea. Farolak kolorez jantziko dira Gau Zuria ospatzeko. Honako honetan, ez dira oharkabean pasatuko Abandoibarrakoak eta Ibaiertzekoak.
Lekua: Abandoibarra pasealekua.
22:30etik aurrera.

27. AURPEGI MARGOTUA
Ibaiaren aurreko fatxada argi apaingarriz jantziko da, soinu-gidoi bati jarraituz sekuentziatan programatutako argi-efektuekin.
Lekua: Deustuko Unibertsitatea.
22:30etik aurrera.

28. PEONIAK
Euskalduna Jauregiko urmaelean lore delikatu horien distira ederra islatuko da.
Lekua: Euskalduna Jauregiko urmaela.
22:30etik aurrera.

29. DICE LA RÍA…
Antzerki-lana, Bilboko itsasadarrak bere bizimodua kontatuko digu zubien bitartez.
Lekua: Itsas Museoa (barruan).
22:00etatik aurrera.

30. OROIMENA
Ekarri gogora ahaztutako historiak eta memoria. Soinuen, esperientzien ibilbidea, ibilbide bisuala, bisitarien jakin-mina pizten duena, Argi, soinu eta sentsazioen performance-a, ikus-entzuleak sorkuntzaren parte izanda.
Lekua: Ramon de la Sota kaia (Itsas Museoko dikea).
22:30etik aurrera.

31. KALE ANIMAZIOA
Antzerkiko eta kale-animazioko konpainia ibiltariak.
Saioak: 20:30etik 00:30era bitartean.
Lekua: Gau Zuria egingo den eremuaren ibilbidean.

Iruzkinak

  • Publizitatea
    Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena