Herriak eta Hiriak
Istripua
Pertsona bat zauritu da Bilbon, tranbiak eta auto batek talka eginda
Agentziak | Erredakzioa
18:10 aldera izan da istripua, Leizaola lehendakariaren kalean. Autoaren gidaria Basurtuko Ospitalera eraman dute, ibilgailuan harrapatuta geratu ostean.
-
Lehendakari Leizaola kalean izan da istripua. Argazkia: @BomberosBilbao (Twitter)
Pertsona bat zauritu da arratsaldean Bizkaiko hiriburuan, Bilboko erdigunean tranbiak eta auto batek talka eginda.
Eusko Jaurlaritzako Segurtasun Sailak jakitera eman duenez, 18:10 aldera izan da zirkulazio-istripua, Leizaola lehendakariaren kalean, Bilboko erdigunean.
Istripuaren ondorioz, auto horretako gidaria harrapatuta gelditu da ibilgailuan. Ondorioz, Bilboko suhiltzaileen laguntza behar izan da zauritua ibilgailutik ateratzeko.
Jarraian, Basurtuko Ospitalera eraman dute.
