Albisteak
Ostegunean
Mixel Berhokoirigoin, 'Faktoria'n
ERREDAKZIOA | G.U.
09:30etik aurrera erantzungo die Iñigo Alustizk egingo dizkion galdererei. gainera, Zarautz Pro Surf txapelketarekin bat eginigo dugu.
Igandean beteko da urtea Ipar Euskal Herriko bake artisau eta hautetsiek ETAren armategien berri eman zietenetik Frantziako Errepublikako agintariei. Bakebidea eta Bakegileek antolatuta, asteburuan, urte honetako balantzea egingo dute eta aurrera begirako lana aztertuko. Ekitaldi horien atariko, elkarrizketatuko dugu ostegunean 'Faktoria'n Mixel Berhokoirigoin armagabetze prozesuan eragile izan zen bakegileetako bat. 09:30etik aurrera izango da. Gainera, Zarautz Surf Pro txapelketan izango gara zuzenean, 10:00etan.
07:00etan hasiko da saioa, Igotz Alkortaren gidaritzapean. 07:50 aldera, Iñigo Alustizak hartuko du lekukoa, eta Aingeru Epaltzaren sinadura entzungo dugu. 08:00etan, Niko Cuencaren ekonomia tartea entzungo dugu, eta, 08:30ean, Nerea Azurmendi, Martxelo Otamendi eta Joseba Arruti izango ditugu solasaldian, aktualitateari errepasoa egiten. 09:30 aldera hitz egingo dugu Mixel Berhokoirigoinekin.
10:00etan, magazina jarriko du martxan Ainhara Zuazabeitiak. Hasteko, Zarautz Surf Pro Nazioarteko Txapelketarekin egingo dugu bat zuzenean. Ainara Aymat txapelketan parte hartuko duen surflariarekin hitz egingo dugu. Gainera, surfaren eta yogaren arteko loturaren berri emango digu Esther Fernandez yoga irakasleak, goizean goiz surf txapelketan antolatutako yoga klasearen ostean. 10:30ean, Ioritz Benitorekin hitz egingo dugu. Eskorbuto musika talde mitikoari buruzko dokufilma prestatzen ari da eta horretarako antolatu duten casting-az egingo digu berba, besteak beste.
11:00etako kirol aurrerapenaren ondoren, Mikel Chamizo musika konposatzaile eta kazetariren tartea izango dugu eta, Itzulia Basque Countryren etapa Lodosan bukatuko denez, bertako bitxikeriak bilduko ditugu.
12:00etan, bat egingo dugu Arritxu Iribar lankidearekin Itzulia nola doan jakiteko, eta, segidan, Udane Juaristi artista Bartzelonan eta Madrilen egingo dituen lanez mintzatuko zaigu. 12:30ean, berriz, 'Musika eta Bizitza' tartean, Amancay Gaztañaga izango dugu.
10:00etatik 13:00etara izango da martxan 'Faktoria'.
