Xabier Alkorta, 'Faktoria'n

Xabier Alkorta Kutxako eta Caja Castilla-La Manchako zuzendari nagusi izandakoa, Eusko Ikaskuntzan ari da orain buru-belarri, erakunde horrek bere mendeurrenean egingo duen kongresua koordinatzen. Orain hiru urte hasi ziren, arloka, Euskal Herriaren etorkizunari buruzko gogoeta eta azterketa egiten eta, denak batuta, Oñatin itxiko dute  biltzarra heldu den irailean, “geroa elkar-ekin” leloa hartuta. Orain arte egindako lanaz, kongresuaz eta aurrera begirakoaz arituko da ostiralean, 'Faktoria'n Maite Artolarekin 09:30etik aurrera. Magazina, bestalde, Oialume dantzalekuan elkar ezagutu duten bikoteen istorioekin hasiko dugu, hain zuzen ere, Oialumek 75 urte betetzen dituen honetan.

07:00etan hasiko da albistegia, Amaia Portugalen gidaritzapean. 07:50 aldera, Igotz Alkortak hartuko du lekukoa, eta Aingeru Epaltzaren sinadura entzungo dugu bertan. 08:00etan, Niko Cuencaren ekonomia tartea entzungo dugu, eta, 08:30ean, Nerea Azurmendi, Xabier Riezu, eta Mikel Aramendi izango ditugu solasaldian, aktualitateari errepasoa egiten. 09:30 aldera hitz egingo dugu Xabier Alkortarekin.

10:00etan, magazina jarriko du martxan Manu Etxezortuk. Hasteko, Oialumen elkar ezagutu zuten bikote batzuk izango ditugu gurean, dantzalekuaren 75. urteurenaren harira. Ondoren, Mireia Roca arkitektoarekin Iruñeko Baluarte hobeto ezagutuko dugu, eta, 10:30ean,  Markos Zapiainek Filosofiaren historia gaurkotua ekarriko digu.

11:00etako kirol aurrerapenaren ondoren, Mikel Chamizo musika konposatzaile eta kazetariaren tartea izango dugu, eta Euskal herriko opera eskainztaz hitz egingo digu. 11:30ean, Hondarribiko Bertsokantauri festaz jardungo dugu, eta, 12:00etan, Pili Kaltzada Innobasqueren sustapen eta komunikazio arduradunarekin eta IVAPeko Oro Otxoa De Eriberekin administrazio publikoari buruzko hausnarketa izango dugu hizpide. 12:30ean, berriz, Brasilekin elkartasunez gomazko ahateekin geingo duten ekimenaren berri emango digu Acción Marianistako Mikel Arrietak

10:00etatik 13:00etara izango da martxan 'Faktoria'.