Virginia Imaz pailazoari elkarrizketa pertsonala egingo diogu, 'Faktoria'n

2017ko Emakunde Berdintasun saria irabazi zuen Virginia Imaz pailazoari elkarrizketa pertsonala egingo diogu ostegun honetako 'Faktoria'n. 12:30ean izango da. Bestalde, 10:30ean, Gari Garaialdek Izarkom telekomunikadore kooperatiboaren proiektua aurkeztuko digu.

07:00etan hasiko da saioa, Iñigo Alustizaren gidaritzapean. 07:50 aldera, Maite Artolak hartuko du lekukoa, eta Aingeru Epaltzaren sinadura entzungo dugu. 08:30ean, Nerea Azurmendi, Martxelo Otamendi eta Joseba Arruti izango ditugu solasaldian, aktualitateari errepasoa egiten. 09:30ak aurretik, Ibon Sarasolaren euskara gomendioa entzungo dugu, eta, ondoren, administrazioak bere gain hartzen dituen adingabeen egoerari buruzko erreportajea ekarriko digu Tere Beloki lankideak.

10:00etan, magazina jarriko du martxan Manu Etxezortuk. Hasteko, Gure Zirkuaren lehen emanaldirako gonbita egingo digu Iker Galartza aktoreak.  Ondoren, Estibalitz Hernandezekin hitz egingo dugu. Zozketa batean Errusiara bidaia egokitu zaio, Munduko Futbol Txapelketa ikusteko. 10:30ean, Gari Garaialdek Izarkom telekomunikadore kooperatiboaren proiektua aurkeztuko digu. Segidan, Filosofiaren historia gaurkotua ekarriko digu Markos Zapiainek.

11:00etako kirol aurrerapenaren ondoren, Mikel Chamizo musika konposatzaile eta kazetariren tartea izango dugu, eta udako agenda klasikoa Euskal Herrian eta nazioartean aztertuko dugu harekin. Eguzkiteka zer den ere jakingo dugu

12:00etan, etxebizitza tutelatuei buruzko erreportajea ekarriko dgu Tere Beloki lankideak, eta ondoren izango dugu Virginia Imazen elkarrizketa.

10:00etatik 13:00etara izango da martxan 'Faktoria'.