Bidasoa Irunek garaipena lortu du AHC Potaissa Turdaren aurka (33-34)

IRUDEK Bidasoa Irunek sendo ekin dio Europako multzoen faseari, Errumanian AHC Potaissa Turda mendean hartuta (33-34), neurketa parekatua izan da, eta azken unera arte ez da erabaki.

Alex Mozasen taldeak hasieratik amaierara lan egin behar izan du. Hasiera Errumaniako taldearen 6:0 defentsa sendoa gainditzeko zailtasunek markatu dute, eta horrek Irungo taldearen erasorako erritmoa gelditu du. Hala ere, IRUDEK Bidasoa Irunek ez du neurketaren haria galdu eta 5-4ko emaitzarekin jarraitu du lehen hamar minutuen ostean.

Atsedenaldirako pareko ibili arren (16-16), Bidasoa ideia argiekin eta defentsa estuagoarekin itzuli da. Bigarren zatian  ildo beretik lan egin dute. Defentsaren intentsitateak gora egin du eta Bidasoak errenta txikiak lortu ditu. Skrzyniarz atezainak eta Tuá eta Mujikaren erasoko inspirazioak aurrea hartzeko aukera eman diote euskal taldeari (26-29).

Rodrigo Salinas izan da protagonista nagusia, 11 gol sartu ditu eta erabakigarria izan da zazpi metroetatik. Partida amaierara arte estututa, Bidasoak lasai eutsi dio, multzoen fase honetan bere nahiak sendotzen dituen garaipen baliotsua ixteko.

Fitxa teknikoa:

33. Potaissa Turda: Popescu, Bucataru (atezainak); Pop (1), Dumitriu (4), Alimentos (2), Grindean, Kbilashvili (2), Lazar, Teodor Pintoiu (7), George Pintoiu, Piechowski (3), Mosic (5), Ghivil, Falavarjani, Thalmaier (2), Ghita (7, 2 de pen.)

34. Bidasoa-Irun: Leo Maciel, Skrzyniarz (atezainak), Xabi González, Esteban Salinas, Rodrigo Salinas (11, 8 pen.), Mujika (6), Nevado (1), Peciña, Piotr (1), Valles (2), Dariel García (1), Gorka Nieto (5), Xabi Tuá (5), Jevtic, Tito Díaz (2), Matheus da Silva.

Epaileak: Ivars Cernavskis eta Edumuns Bogdanovs (Letonia). Kanpoan utzi zituzten Dariel García, Matheus, Rodrigo Salinas, Dimitriu eta Alimentos.

Markagailua bost minuturo: 2-1; 5-4; 10-7; 10-10; 13-14; 16-16- atsedenaldia- 18-18; 21-20; 24-25; 26-29; 29-31; 33-34.

Gertaerak: Europako Ligako lehen jardunaldiko partida, Turda Arena pabiloian, Errumaniako Turda herrian.