Beste kirolak
Hiru hiritan
Sei atleta nabarmen atxilotu dituzte, kirol dopinaren aurkako operazio batean
Agentziak | Erredakzioa
Atxiloketak Madrilen, Valentzian eta Calatayuden (Zaragozan) egin dituzte, eta atxilotuen artean distantzia ertain eta luzeetako atletak daude, Espainiako txapeldunen bat barne.
-
Hainbat botika eta nork bere buruari odola emateko materiala konfiskatu dute. Argazkia: Efe.
Poliziak sei atleta profesional atxilotu ditu, Espainiako txapeldunak tartean, kirol dopinaren kontrako operazio batean. Operazio horretan, hazkunde-hormonak, testosterona, bitamina injektagarriak eta nork berak bere buruari odola emateko materiala konfiskatu dute.
Atxilotuak honako hauek dira: Gizaw Bekele etiopiarra (duela bi aste Madrilgo Liberty lasterketaren irabazlea; Holanda eta Tunisiako ustezko atletismo selekzionatzailea, Rachid Najid; Said Atadi espainiar herritartasuna duen marokoarra eta Espainiako txapeldun izandakoa; Malika Asahssah, Najiden emaztea eta egun dopinagatik lau urteko zigorra betetzen ari dena; Fatima Ayachi, atletismoan etorkizun oparoa zuena; eta Abebe Mulugeta, dopinerako substantziekin korreo lanak egioten zituena.
Errelebo izeneko operazioa Espainiako Poliziako Delitugintzako Brigada Zentraleko agenteek egin dute.
