Beste kirolak
EHF Kopa
Bera Berak bigarren itzuliari ekingo dio
eitb.eus
Donostiako taldeak Nykobing Handboldkluben aurka neurtuko ditu indarrak larunbatean, 17:00etan, EHF Kopako multzoetako bigarren itzuliko lehenengo partidan. Partida, zuzenean, ETB4n eta eitb.eus-en.
-
Super Amara Bera Bera
Albisteak (2)
Bideoak (1)
Informazio gehiago (1)
Super Amara Bera Berak Nykobing Falster Handboldkluben aurka neurtuko ditu indarrak larunbatean, 17:00etan, EHF Kopako multzoetako bigarren itzuliko lehenengo partidan. Partida osoa, zuzenean, ETB4n eta eitb.eus-en.
Donostiako taldeak joaneko partidaren errebantxa hartu ahalko du Nykobing Falster Handbold taldearen aurka, Bidebieta Udal Kiroldegian.
Azken partidan, Bera Berak 31-26 galdu zuen Danimarkako taldearen aurka, eta EHF Kopako hurrengo kanporaketan izateko aukera pasatzen utzi zuen. Super Amarak joko ona egin zuen hasierako 30 minutuetan, baina bigarren zatian ezin izan zion eutsi orduan sailkapenaren zuloan zegoen taldeari.
2017an Danimarkako ligako txapelduna eta EHF Kopako txapeldunordea den taldea donostiarrekin berdinduta dago sailkapenean. Izan ere, garaipen bakarra lortu dute biek, eta, beraz, puntu birekin daude bigarren eta hirugarren postuan.
Partida zaila, parekatua eta oso garrantzitsua jokatuko du Bera Berak larunbatean.
