Beste kirolak
Gaur, 20:45ean
Bidasoa Irun - GOG partida, gaur, zuzenean, eitb.eus-en eta ETB4n
EITB Media
Irungo taldeak Danimarkakoaren aurka jokatuko du Artalekun, EHFren Europa Ligako final-zortzirenetako joaneko neurketa.
-
Bidasoa Irungo jokalariak, Jacobo Cuetara entrenatzailearenaginduak entzuten. Argazkia: EITB Media
Albisteak (3)
Bidasoa Irunek GOG taldearen aurka jokatuko du gaur Artalekun, EHFren Europa Ligako final-zortzirenetako joaneko partida. Neurketa zuzenean eskainiko dute eitb.eus-ek eta ETB4k, 20:45etik aurrera.
Euskal taldean, Jon Azkue ez da jokatzeko moduan izango. Kauldi Odriozolak oraintsu gainditu du kuadrizepseko zuntz-haustura txiki bat, eta Rodrigo Salinasen parte-hartzea zalantzan dago, min hartu baitzuen ezkerreko sorbaldan, Fraikin Granollersen aurkako Errege Kopako partidan.
Bestalde, GOG txapelketa irabazteko faboritoetako bat da. Taldeko izarra den Mathias Gidsel hegaleko jokalaria ez da Artalekun egongo, belauneko lotailu gurutzatua hautsi baitzuen otsailean, eta ez dago argi Viktor Hallgrimsson atezain islandiarra jokatzeko moduan izango den.
