Anaitasuna, Kopatik at lehen kanporaketan

Helveita Anaitasuna Errege Kopatik at geratu da asteazken honetan, Zilarrezko Ohorezko Mailako Dolmenes Antequera taldearen aurka galduta 31-22ko emaitzarekin, Fernando Argüelles Pabiloian jokatutako partidan.

Partida nahiko berdinduta hasi da, baina 5-5eko berdinketatik aurrera iruindarrak nagusitu dira jokoan eta markagailuan aurrea hartu dute (6-8). Hala ere, etenaren ondoren, Anaitasuna ez da hain sendo aritu defentsan. Horrela, tanto bat gutxiagorekin joan dira atsedenaldira (12-11).

Aldageletatik pasa ondoren, Anaitasunak buelta eman dio markagailuari. Baina, hortik aurrera, Antequera nagusi izan da. Talde andaluziarra aurretik jarri da berriro, eta oraingoan ez dio emaitzari buelta emateko aukerarik eman talde nafarrari. Izan ere, erasoan gaizki aritu da, ez du etxekoen erasoa geldiaraztea lortu eta, ondorioz, 31-22 galdu du.