Binakakoa
Prest dago
Peio Etxeberriak igandeko Binakako Txapelketako partida jokatzea erabaki du
EITB Media
Binakako Txapelketan berragertuko da Peio Etxeberria, 5. jardunaldian min hartu eta 6.ean baja izan ostean. Igandean, abenduaren 31n, Zabaletarekin osatuko du bikotea. Artola eta Imaz izango dituzte aurkari Tolosako Beotibarren.
-
Peio Etxeberria. Argazkia: EFE
Peio Etxeberriak igandeko Binakako Txapelketako 7. jardunaldiko partida jokatzea erabaki du. Larunbat honetan, abenduaren 30ean, proba egin du Leitzan, eta ondo sentitu da; beraz, Tolosako Beotibarren izango da abenduaren 31n.
Etxeberriak min hartu zuen 5. jardunaldiko neurketan, eta min hartuta zegoenez, ezin izan zuen 6. jardunaldiko partida jokatu. Zabalak ordezkatu zuen Zenozkoa (Nafarroa), eta Zabaletarekin batera garaipena bereganatu zuen Peña II-Albisu bikotearen kontra (17-22).
Ondorioz, igande honetako Binakako 7. jardunaldiko norgehiagokan, Peio Etxeberriak Jose Javier Zabaletarekin batera jokatuko du, Artola-Imaz bikotea aurkari dutela.
