Pilota
WINTER SERIES 2025-26
Johan Sorozabalek ez du astelehenean Erkiaga eta Ibarluzearen aurkako partida jokatuko
EITB
Aurrelari lapurtarrak orkatilako lesioa osatu gabe jarraitzen du, eta Olharanek ordezkatuko du abenduaren 1ean.
-
Gorka (ezkerrean) y Johan Sorozabal (eskubian). Irudia: ERAMAN!
Johan Sorozabal ez da osatu, eta orkatila lesionatuta duela jarraitzen du; urriaren 29an egin zuen, Pauen. Hortaz, Eusko Label Winter Serieseko hurrengo partida galduko du, abenduaren 1ean. Miarritzeko aurrelariak baja izaten jarraituko du, eta Jean Olharanek ordezkatuko du, azaroaren 17an bezala, non bikote laranjaren lehen garaipena lortu zuten Laducheren eta Zabalaren aurka.
Erkiaga eta Ibarluzeak partida bereziki garrantzitsua dute astelehenean Gernikan. Debutean galdu ondoren, bizkaitarrek hitzordu ezinbestekoa dute eskuartean, beste porrot batek arriskuan jarriko bailituzke txapelketako finalerdietara sartzeko aukerak.
