Pilota
Gehienez 20 pertsonakoak
Pilotariak taldeka entrenatu ahalko dira
Erredakzioa
Maiatzaren 30etik aurrera, Gobernuak baimena ematen die gehienez 20 pertsonaz osatutako taldeetan lansaioak egiteko.
-
Urrutikoetxea eta Olaizola II.a. Argazkia: EiTB
Pilotariek taldeka entrenatzeko aukera izango dute aurrerantzean. Larunbat honetara arte, araudia jarraituz, bakarka entrenatu beharra zeukaten elkarren aurka edo bikoteka entrenatzeko aukerarik gabe.
Egunotan, hainbat pilotari profesional euren kabuz entrenatzen ikusi ditugu. Gaurtik, maiatzaren 30etik, Gobernuak taldeka entrenatzeko baimena eman die, gehienez hogei pertsonak osatutako taldeetan.
Zalantzarik gabe, albiste ona da pilotari profesional, pilota eskola, federazio eta klubentzako.
