Pilota
(22-21)
Arrizabalagak eta Osesek Bizkaia Torneoa irabazi dute Aldai eta Mendizabal garaituta
AGENTZIAK | EITB MEDIA
Arrizabalagak eta Osesek pronostikoak hautsi dituzte aurreko ligaxkan partidarik galdu ez zuten Aldai-Mendizabal bikotea menderatuz.
5:12
Olatz Arrizabalagak eta Uxue Osesek irabazi dute V. Bizkaia Torneoa, emakumezkoen esku-pilota egutegiko hitzordu garrantzitsuenetako bat, Amaia Aldai eta Nora Mendizabali 22-21 irabazita Bizkaiko pilotalekuan jokatutako finalean.
Partida erabakigarri eta parekatuan, Arrizabalagak eta Osesek pronostikoak hautsi dituzte aurreko ligaxkan partidarik galdu ez zuten Aldai-Mendizabal bikotea menderatuz.
Hirugarren eta laugarren posturako partidan Madalen Etxegaraik eta Enara Gamindek 22-13 irabazi diote Leire Garai-Andrea Capellan bikoteari.
